Rruga e Kavajës, Tiranë | info@tbu.al
Studioni në TBU Misioni Historia dhe Themeluesit Partnerët Shërbimet Drejtuesit dhe Organigrama
Administrim Biznesi Business Law
Kriteret e Pranimit Formular Aplikimi Tarifa Regjistrim
Na Kontaktoni FAQ - Pyetje të shpeshta Harta
Konferenca shkencore Konkurs Debate Profesionale Trainime Seminare Te ndryshme
Libra Revista Artikuj te ndryshme Video
Studente Bachelor Studente Masteri Pedagoget Bashkepunetore
Bursa dhe Programe te Ndihmes Financiare

TBU >> NUK MERRNI VETËM DIPLOMË POR NISNI KARRIERËN!

Mesazhi i Rektorit

Prof. Dr. Lavdosh ZAHO

Në katër vite, duke gërshetuar teorinë me praktikën e duke synuar cilësinë më të lartë të përgatitjes së studentëve, Tirana Business University jo vetem që ka fituar emër të mirë por ka krijuar një model bashkëkohor shkolle dhe shkollimi. Bashkëpunimi i TBU me biznesin, institucionet shtetërore dhe punëdhënësit e tjerë i shërben studentëve të cilëve ju rriten mundësitë për punësim dhe karrierë por edhe punëdhënësve të cilët përfitojnë specialistë dhe drejtues të mirëformuar dhe vetëveprues.


Këto ishin arsyet thelbësore që më bënë të pranoj, me kënaqësi dhe përgjegjshmëri, detyrën sfiduese të Rektorit të TBU që po hyn në vitin e pestë të veprimtarisë akademike me siguri dhe ambicie. Me besimin e plotë se arritjet e deritanishme do ti çojmë më tej bashkërisht, ju uroj vit të mbarë akademik. Suksese në shkollë dhe së shpejti në karrierë. Suksesi juaj, sot dhe nesër, është suksesi ynë. Suksesi i TBU.



Mesazhi i Dekanit të Fakultetit Administrim Biznesi


Dr. Entela SHEHAJ


Në Fakultetin e Administrimit Biznesit të TBU formojmë administratorë për bizneset dhe institucionet shtetërore, me bazament të gjerë e solid njohurish në shkencat menaxheriale dhe profilizim fleksibël disadrejtimesh, e që, të pajisur me shprehi praktike, janë konkurrues në shumë segmente në tregun e punës. 


Jam besimplotë se viti i pestë akademik i Fakultetit Administrim Biznesi do të shënojë një nivel më të lartë të cilësisë së përgatitjes së studentëve e, për rrjedhojë, edhe një nivel më të lartë të suksesit të tyre në të ardhmen.


Me besim tek ju, studentët e sotëm dhe menaxherët e nnëpunësit e nesërm, tek kolegët e mi pedagogë dhe tek TBU si institucion, se do ju kem mbështetje dhe ndihmesë në realizimin e detyrës sime të dekanes së këtij fakulteti, uroj një fillim sa më të mbarë të vitit akademik për një mbyllje sa më të suksesshme për të gjithë.



Mesazhi i Dekanit të Fakultetit Juridik, E Drejtë Biznesi 


Dr. Endri PAPAJORGJI


Rëndom shfaqet keqkuptimi se një shkollë biznesi formon vetëm menaxherë. Një shkollë e këtillë është gjysmake. Një menaxher, i çfarëdo profili e roli, në një biznes apo institucion publik, duhet të njohë ligjet. Një juristi nuk i mjafton të dijë, qoftë edhe mjaft mirë, vetëm ligjet por duhet të njohë e kuptojë menaxhimin. 


Në Fakultetin Juridik, E Drejtë Biznesi, me mbështetjen e Fakultetit Administrim Biznesi, ne formojmë juristë me dije dhe shprehi menaxheriale dhe mbështesim Fakultetin Administrim Biznesi për të formuar menaxherë me dije dhe shprehi juridike.


Këtë model tashmë të ngritur në TBU, në rolin e dekanit, me mbështetjen e kolegëve dhe, me vullnetin dhe entuziazmin e studentëve, kam besim se do ta çojmë me tej dhe se, në pak vite, do të kapërcejmë pengesat kulturore dhe zakonore të sotme drejt krijimit të profesionit të juristit të së drejtës së biznesit. Ky vit i ri akademik, i nisur mbarë, është vendimtar në arritjen e këtij synimi. Ndaj, uroj të jetë i suksesshëm për secilin nga ju dhe për të gjithë ne që besojmë në këtë profesion.


Regjistrohu Online!

Përshtypje

  • Hapa të vegjël që vrapojnë në mënyrë galopante drejt një të ardhme plot vizion! Kam thënë gjithmonë më thuaj ku studion të të them si do të bëhesh, ndërsa sot them me krenarinë më të madhe që unë studioj në TBU.


    Emila Xhura, Studente e vitit të dytë Bachelor në Business Law
© 2010 TBU - Tirana Business University. All rights reserved
Design by BaronPrint Developed by CplusMedia